- محمد سفيان
قدَرْ يا نـاسْ يبكّينا
قـدرْ ثـاني يـسَـلّـينا
وبينْ اثنينْ قدَرْ حيرانْ
ولا راضــي يرسّــيـنا!
حكايهْ دايرهْ في الناسْ
تـصـبِّحْـنا وْ تمَـسّـيـنا
وبُـكرهْ للأمـلْ قِصّـهْ
عـلى الآلام ترْويـنا
وفيها للظـما ألـوانْ
وألوانْ للظـما فينا!
يَـ بُكْرهْ
طـالـتَ الـغُربهْ
متى ضوءكْ يدَفّينا؟!
نسقّي اشْواقنا بالصبرْ
وصـمت الـمـاءْ يظْـمِينا!
يَـ بُكرهْ
لا متى الأحـلام
على الأوهـام تِقْلِينا؟
ونِظهرْ للـعيـونْ أبطالْ
وريـح اللـيـلْ تطْـوينا؟!
تـعـبْنا
من وجـوه تضـحـكْ
وداخـلْـهــا يِبَكّـيـنا!
تـعـبْنا
من أمـلْ كـذّابْ
وما صدّقْشْ يِذْرينا!
أكيدْ الياسْ ما هلُّوشْ
لـكنْ… ما يـِهَـوّيْـنا!
ومشْ راضـينْ نـتْـغـيّرْ
ونشتي الحالْ يرْضينا؟!
قدَرْنا يومْ ما جاناشُ
لـحَـدّ كـذا.. يكَفّـيـنا
يكَفّينا
يكَفّينا
………..
