زاير امغرب

سَنّ (امّخا) واااجمل ربي
كد كنت شاطير بَمْبَرْشوت

شوقي على امساحل امغربي
ف امقلب طول امزمن مكبوت

امشوق ك امنار لهّبْ بي
ما تفعل امنار في امباروت؟!

فارقت صنعاء.. يا غلبي!!!
من باطل امظلم وامكهنوت

كم جهدي اعيش متخبي
مثل اموزف وسط بطن امحوت

وانا اموزف.. واموزف حزبي
لَجْلْ اموزِف جايعو شاموت

وامزخم يا ناس ودف بي
شل امجلكسي بجيب امكوت

يمر بي شاخطو جنبي
يشل روحي معه ويفوت

وااا زخم وااازخم ما ذنبي
حرام ذا امبطش وامجبروت

هَيًدْ واااجمل شُدّ.. لا تدبي
وفَلِّل امتانكي مازوت

شوف (امخا) ثغرها يسبي
كَنّه قصيدة بطعم امتوت

وامقايد امشهم مُتُرَبّي
حب اموطن في دمه منحوت

وااا زخم ف امساحل امغربي
يا سيف بسم اليمن مصلوت

اهجم على امثعلب امقطبي
اختارك الله يا طالوت

جالوت في امكهف متخبي
بالله تزقر لنا جالوت

أحزابنا ضيعوا دربي
وكل واحد معه حانوت

وحدك تقول اليمن حزبي
من حد صعدة إلى سيحوت

لها سلامي.. لها حربي
ونبض قلبي لها موقوت

لو كانن امنفس تلعب بي
شازِلّ باريس أو بيروت

بس اليمن .. صانها ربي
كَمْدُخْن بين امعسل مفتوت

في برها امشعر متنبي
في بحرها امدر وامياقوت

وسحرها آااح واقلبي
مُعَتّقو من زمن هاروت

وامزخم لو كد دعى.. لَبّي
لبي .. وسلم له امريموت

لبيك لبيك يا حسبي
انا لك امسيف وامنَبُّوت